"யாழ்ப்பாணத்தில் ஆரம்பிக்கப்பட்ட வீடுகளை முழுமைப்படுத்தல் உள்ளிட்ட அவசர அபிவிருத்திப் பணிகளுக்கு உடனடியாக 875 மில்லியன் ரூபா தேவை." இவ்வாறு யாழ்ப்பாணம் மாவட்ட செயலர் க.மகேசன் தெரிவித்தார்.
அவர் மேலும் கூறியதாவது:-
"போர் முடிவுக்கு வந்த 2009ஆம் ஆண்டிலிருந்து இலங்கை அரசின் நிதியில் 8 ஆயிரத்து 600 வீடுகளும், இந்திய அரசின் நிதியில் 6 ஆயிரத்து 800 வீடுகளுமாக 15 ஆயிரத்து 400 வீடுகள் யாழ்ப்பாணத்தில் அமைக்கப்பட்டுள்ளன. இன்னமும் 19 ஆயிரம் வீடுகள் தேவைப்படுகின்றன. அதிலும் 5 ஆயிரத்து 700 வீடுகள் உடனடியாகத் தேவை.
மேலும், ஏற்கனவே ஆரம்பிக்கப்பட்ட வீட்டுத் திட்டப் பணிகளை முழுமைப்படுத்த 475 மில்லியன் ரூபா உடனடியாகத் தேவை" - என்றார்.
%20copy.jpg)
