Thursday 20th of January 2022 07:52:48 AM GMT

LANGUAGE - TAMIL
.
1-வது டெஸ்ட்; சொந்த மண்ணிலேயே நியூசிலாந்தை வீழ்த்தி பங்களாதேஷ் வரலாற்று வெற்றி!

1-வது டெஸ்ட்; சொந்த மண்ணிலேயே நியூசிலாந்தை வீழ்த்தி பங்களாதேஷ் வரலாற்று வெற்றி!


நியூசிலாந்த அணியை அதன் சொந்த மண்ணிலேயே வீழ்த்தி வரலாற்று வெற்றியை பதிவு செய்துள்ளது வங்களாதேஷ் அணி.

சுற்றுலா வங்களாதேஷ் அணிக்கும் நியூசிலாந்து அணிக்கும் இடையிலான முதலாவது டெஸ்ட் போட்டியிலேயே இவ் வரலாற்று வெற்றியை பெற்றுள்ளது வங்களாதேஷ் அணி.

ஜனவரி-01-ம் திகதி ஆரம்பமாகிய முதலாவது டெஸ்ட் போட்டியில் நாணயச் சுழற்சியில் வெற்றி பெற்ற வங்களாதேஷ் அணி நியூசிலாந்து அணியை துடுப்பெடுத்தாட அழைத்தது.

இதையடுத்து முதல் இனிங்சுக்காக துடுப்பெடுத்தாடிய நியூசிலாந்து அணி 328 ஓட்டங்களை பெற்றுக் கொண்டது.

அதிகபட்சமாக டெவோன் கொன்வே 122 ஓட்டங்களை பெற்று ஆட்டமிழந்திருந்தார்.

பந்துவீச்சில் சோரிபுல் இஸ்லாம் மற்றும் மெகடி ஹசன் ஆகியோர் தலா 3 விக்கெட்டுக்களை வீழ்திதயிருந்தனர்.

தொடர்ந்து முதலாவது இனிங்சுக்காக துடுப்பெடுத்தாடிய வங்களாதேஷ் அணி 458 ஓட்டங்களை பெற்று 130 ஓட்டங்கள் முன்னிலை பெற்றது.

அதிகபட்சமாக மொமினுல் ஹக் - 88, லிற்றன் தாஸ் - 86, மஹமதுல் ஹாசன் - 78, ஹொசைன் - 64 ஒட்டங்களை பெற்று ஆட்டமிழந்திருந்தனர்.

பந்துவீச்சில் ட்ரென்ட் போல்ட் - 4 விக்கெட்டுக்களை வீழ்த்தியிருந்தார்.

130 ஓட்டங்கள் பின்தங்கிய நிலையில் 2வது இனிங்சை ஆரம்பித்த நியூசிலாந்து அணிக்கு வங்களாதேஷ் பந்துவீச்சாளர்கள் சவாலாக இருந்தனர்.

சீரான இடைவெளியில் விக்கெட்டுக்களை இழந்த நியூசிலாந்து அணி இறுதியில் 169 ஓட்டங்களை மட்டும் பெற்று ஆட்டமிழந்தது.

நியூசிலாந்தின் 4 வீரர்கள் ஓட்டமெதனையும் பெறாது ஆட்டமிழந்திருந்தனர்.

பந்துவீச்சில் எபாடொற் ஹொசைன் 6 விக்கெட்டுக்களையும், தமிம் இக்பால் 3 விக்கெட்டுக்களையும் வீழ்த்தியிருந்தனர்.

இதையடுத்து 40 ஓட்டங்கள் எடுத்தால் வெற்றி என்ற நிலையில் 2வது இனிங்சுக்காக துடுப்பெடுத்தாடிய வங்களாதேஷ் அணி 16.5 ஓவர்களில் 2விக்கெட் இழப்பிற்கு 42 ஓட்டங்களை பெற்றது.

இதன்மூலம் 8 விக்கெட் வித்தியாசத்தில் வரலாற்று வெற்றியை பதிவு செய்துள்ளது வங்களாதேஷட அணி.


Category: விளையாட்டு, புதிது
Tags: நியூசிலாந்து



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE