Thursday 20th of January 2022 08:59:37 AM GMT

LANGUAGE - TAMIL
.
ஈராக்கில் உள்ள அமெரிக்க தளங்களை இலக்குவைத்து இன்று ரொக்கட் தாக்குதல்!

ஈராக்கில் உள்ள அமெரிக்க தளங்களை இலக்குவைத்து இன்று ரொக்கட் தாக்குதல்!


ஈராக் தலைநகர் பாக்தாத்தில் உள்ள சர்வதேச விமான நிலையம் அருகே அமெரிக்கப் படைகள் தங்கியிருந்த இராணுவ தளத்தை இலக்குவைத்து இன்று ரொக்கெட் தாக்குதல் நடத்தப்பட்டது.

எனினும் இந்தத் தாக்குதலில் யாருக்கும் காயம் ஏற்படவில்லை என ஈராக் இராணுவ வட்டாரங்கள் தெரிவித்தன.

ஈரானின் உயர்மட்ட இராணுவ ஜெனரல் காசிம் சுலைமானி அமெரிக்காவின் ட்ரோன் தாக்குதலில் கொல்லப்பட்டதன் இரண்டாம் ஆண்டு நினைவு தினத்தை ஒட்டி ஈராக் மற்றும் சிரியாவில் உள்ள அமெரிக்கப் படைகளுக்கு எதிரான தாக்குதல்கள் இடம்பெறலாம் என ஏற்கனவே எச்சரிக்கப்பட்டிருந்த நிலையில் இந்தத் தாக்குதல் இடம்பெற்றுள்ளது.

இந்தத் தாக்குதலுக்கு எந்தவொரு அமைப்பும் உடனடியாக பொறுப்பேற்கவில்லை. சுலைமானி மற்றும் ஈராக்கிய இராணுவத் தளபதி அபு மஹ்தி அல்-முஹந்திஸ் ஆகியோரின் படுகொலைக்கு பதிலடி கொடுப்படும் என ஈரானுடன் இணைந்த ஈராக்கிய போராளிக் குழுக்கள் எச்சரித்துள்ளன.

பாக்தாத்தின் சர்வதேச விமான நிலையத்திற்கு அருகிலுள்ள அமெரிக்க தளத்தை குறிவைத்து இந்த வாரத்தில் இடம்பெற்ற இரண்டாவது தாக்குதல் இதுவாகும்.

நேற்று செவ்வாய்க்கிழமை வெடிபொருட்களுடன் வந்த ட்ரோன்கள் சுட்டு விழுத்தப்பட்டன.

கடந்த 2020, ஜனவரி 3 ஆம் திகதி பாக்தாத் விமான நிலையத்திற்கு அருகே அமெரிக்க ட்ரோன் தாக்குதலில் ஈரானின் உயர்மட்ட இராணுவ ஜெனரல் காசிம் சுலைமானி கொல்லப்பட்டார்.

அவரது கொலைக்கான விசாரணையை அப்போதைய அமெரிக்க ஜனாதிபதி டொனால்ட் ட்ரம்ப் எதிர்கொள்ள வேண்டும். அல்லது அவா் பழிவாங்கப்படுவார் என ஈரானிய ஜனாதிபதி இப்ராஹிம் ரைசி கடந்த திங்கட்கிழமை கருத்து வெளியிட்டமை குறிப்பிடத்தக்கது.


Category: உலகம், புதிது
Tags:



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE