Thursday 20th of January 2022 07:36:40 AM GMT

LANGUAGE - TAMIL
.
நடிகை மீனாவின் வீட்டிற்குள் புகுந்தது கொரோனா; மொத்த குடும்பத்திற்கும் தொற்று!

நடிகை மீனாவின் வீட்டிற்குள் புகுந்தது கொரோனா; மொத்த குடும்பத்திற்கும் தொற்று!


திரையுலகில் முன்னணி நடிகையாக வலம்வந்திருந்த நடிகை மீனாவின் வீட்டிற்குள் புகுந்த கொரோனா மொத்த குடும்பத்தையும் பீடித்துள்ளது.

ஒமிக்ரோன் பரவல் அதிகரித்துள்ள நிலையில் தமிழ்நாட்டில் கொரோனா பாதிப்பு அடுத்த அலை தீவிரம் பெற்றுள்ளது.

திரையுலக பிரபலங்கள் வரிசையாக கொரோனா தொற்றுக்கு உள்ளாகிவரும் செய்திகள் வெளியாகிவருகின்றன.

இந்நிலையில் திரையுலகில் முன்னணி நடிகையாக வலம்வந்திருந்த நடிகை மீனவின் குடும்பத்தில் அனைவருக்கும் கொரோனா தொற்று ஏற்பட்டுள்ளது.

நடிகை மீனா தனது சமூக வலைத்தளத்தில் வெளியிட்டுள்ள பதிவில் குறித்த விடயத்தை வெளிப்படுத்தியுள்ளார்.

இது குறித்து அவர் தனது பதிவில் குறிப்பிட்டிருப்பதாவது,

“2022ல் எனது வீட்டிற்கு வந்த முதல் பார்வையாளர் கொரோனா. அது என் முழு குடும்பத்தையும் பிடித்துள்ளது. ஆனால் நான் அதை இருக்க விடப்போவதில்லை. மக்கள் அனைவரும் ஜாக்கிரதையாக இருங்கள். தயவுசெய்து பாதுகாப்பாகவும் ஆரோக்கியமாகவும் இருங்கள். பொறுப்பாக இருங்கள். இந்த வைரசை பரவ விடாதீர்கள். எங்களுக்காக பிரார்த்தனை செய்யுங்கள்” என மீனா கூறி உள்ளார்.

முன்னதாக நகைச்சுவை நடிகர் வடிவேல் மற்றும் நடிகர் அருண் விஜய் உள்ளிட்ட திரையுலக நட்சத்திரங்களுக்கும் கொரோனாத் தொற்று ஏற்பட்டிருந்தமை குறிப்பிடத்தக்கது.


Category: சினிமா, புதிது
Tags: கொரோனா (COVID-19), இலங்கை, கேரளா, தமிழ்நாடு, சென்னை



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE