Thursday 20th of January 2022 07:49:33 AM GMT

LANGUAGE - TAMIL
-
பிரான்ஸில் தினசரி 3 இலட்சமாக  அதிகரித்தது கொரோனா தொற்று!

பிரான்ஸில் தினசரி 3 இலட்சமாக அதிகரித்தது கொரோனா தொற்று!


பிரான்ஸில் புதன் மற்றும் நேற்று வியாழன் இரண்டு நாட்களில் மட்டும் கிட்டத்தட்ட 6 இலட்சம் கொரோனா தொற்றாளர்கள் உறுதிப்படுத்தப்பட்டனர்.

பிரான்ஸில் தினசரி கொவிட் தொற்று நோயாளர் தொகை தீவிரமடைந்து வரும் நிலையில் இரு நாட்களிலும் மொத்தம் 5,93,733 பேருக்கு கொரோனா தொற்று உறுதி செய்யப்பட்டதாக பிரெஞ்சு சுகாதார அதிகாரிகள் தெரிவித்தனர்.

நாட்டில் புதன்கிழமை 3 இலட்சத்து 32 ஆயிரத்து 252 பேருக்கு கொரோனா தொற்று உறுதி செய்யப்பட்டது. அத்துடன், 334 பேர் உயிரிழந்தனர்.

இந்நிலையில் நேற்று வியாழக்கிழமை 2 இலட்சத்து 61 ஆயிரத்து 481 பேருக்கு தொற்று உறுதி செய்யப்பட்டது.

பிரான்சில் பெருந்தொற்று நோய்க்கு எதிரான போராட்டம் முடியவில்லை. 2 வாரங்களில் பரவல் 3 மடங்கு அதிகரித்துள்ளது. நாடு முழுவதும் 1 இலட்சம் பேருக்கு 1,800 பேர் என்ற அளவில் தற்போது தொற்றுக்குள்ளாகி வருகின்றனர் என பாரிஸில் இடம்பெற்ற செய்தியாளர் சந்திப்பில் கருத்து வெளியிட்ட அரசாங்க செய்தி தொடர்பாளர் கபிரியேல் அட்டல் தெரிவித்தார்.

தொற்று நோய் தீவிரமடைந்துள்ள நிலையில் பெரும்பாலான வைத்தியசாலைகள் நோயாளிகளால் நிரம்பியுள்ளன. தீவிர சிகிச்சை பிரிவில் சேர்க்கப்பட்ட நோயாளிகளில் பெரும்பாலானோர் தடுப்பூசி போட்டுக்கொள்ளாதவர்கள். இந்நிலையில் தொற்று நோய் நெருக்கடி அடுத்த சில வாரங்களில் மேலும் மோசமாகும் எனவும் அவா் குறிப்பிட்டார்.


Category: உலகம், புதிது
Tags: கொரோனா (COVID-19), பிரான்சு



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE