Thursday 20th of January 2022 09:00:37 AM GMT

LANGUAGE - TAMIL
-
30 கோடியை கடந்தது கொரோனா தொற்று;  பலி எண்ணிக்கை 55 இலட்சத்தை நெருங்குகிறது!

30 கோடியை கடந்தது கொரோனா தொற்று; பலி எண்ணிக்கை 55 இலட்சத்தை நெருங்குகிறது!


ஒமிக்ரோன் உருத்திரிபு வைரஸ் மின்னல் வேகத்தில் பரவி வரும் நிலையில் உலகம் முழுவதும் கொரோனாவால் பாதிக்கப்பட்டவர்களின் மொத்த எண்ணிக்கை 30 கோடியை கடந்துள்ளது.

அத்துடன், கொரோனா பலியெடுத்தவர்களின் எண்ணிக்கையும் இதுவரை 54 இலட்சத்து 89 ஆயிரத்தை கடந்துள்ளது.

ஜோன்ஸ் ஹாப்கின்ஸ் பல்கலைக்கழகத்தின் நேற்று வியாழக்கிழமை இரவு வரையான தரவுகளின் பிரகாரம் உலகெங்கும் கொரோனா தொற்றால் பாதிக்கப்பட்டவர்களின் எண்ணிக்கை 30 கோடியே 6 இலட்சத்து 8 ஆயிரத்தைக் கடந்துள்ளது.

தொற்றுக்குள்ளாகி பாதிப்பட்டவர்களில் இதுவரை 25 கோடியே 74 இலட்சத்து 75 ஆயிரத்துக்கும் சற்று அதிகமானவர்கள் குணமடைந்துள்ளனர்.

தற்போது தொற்று நோயால் பாதிக்கப்பட்ட நிலையில் 3 கோடியே 76 இலட்சத்து 44 ஆயிரத்துக்கும் அதிகமானோர் சிகிச்சை பெற்று வருகின்றனர். இவா்களில் 92,859 பேர் தீவிர சிகிச்சைப் பிரிவுகளில் உள்ளனர் எனவும் தரவுகள் கூறுகின்றன.

உலகில் தொற்று நோயால் மிக மோசமாகப் பாதிக்கப்பட்ட நாடாக அமெரிக்கா தொடர்ந்து முன்னிலையில் உள்ளது. அமெரிக்காவில் இதுவரை 58 மில்லியனுக்கும் அதிகமானவர்கள் தொற்றுக்குள்ளாகிப் பாதிக்கப்பட்டுள்ளனர்.

அமெரிக்கா, இந்தியா, பிரேசில், இங்கிலாந்து மற்றும் பிரான்ஸ் ஆகியனவே உலகில் அதிக தொற்று நோயாளர் தொகை பதிவான முதல் 5 நாடுகளாக உள்ளன.

இந்தியாவில் 35 மில்லியன் தொற்று நோயாளர்கள் உறுதிப்படுத்தப்பட்டுள்ளனர். பிரேசிலில் 22 மில்லியன் பேருக்கு தொற்று உறுதி செய்யப்பட்டுள்ளது. இங்கிலாந்தில் 14 மில்லியன் பேரும் பிரான்ஸில் 11 மில்லியன் பேரும் பாதிக்கப்பட்டுள்ளனர்.

கடந்த 2021 ஆம் ஆண்டு ஜனவரி 26 ஆம் திகதி உலகெங்கும் தொற்று நோயாளர் தொகை 10 கோடியாக பதிவானது. 2021 ஆகஸ்ட் 4 ஆம் திகதி தொற்று நோயாளர் தொகை 20 கோடியாக அதிகரித்தது. இந்நிலையில் 4 மாதங்களில் தொற்று நோயாளர் தொகை மேலும் 10 கோடியால் அதிகரித்து 30 கோடியை எட்டியுள்ளதாக ஜோன்ஸ் ஹாப்கின்ஸ் பல்கலைக்கழக கொவிட் கண்காணிப்பு தரவு தளம் குறிப்பிடுகிறது.


Category: உலகம், புதிது
Tags: உலகம்



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE