Thursday 20th of January 2022 08:07:35 AM GMT

LANGUAGE - TAMIL
.
இந்தியா செல்லும் அனைவருக்கும் 7 நாட்கள் கட்டாய தனிமைப்படுத்தல்!

இந்தியா செல்லும் அனைவருக்கும் 7 நாட்கள் கட்டாய தனிமைப்படுத்தல்!


வெளிநாடுகளில் இருந்து இந்தியாவுக்கு வரும் அனைத்துப் பயணிகளும் 7 நாட்கள் கட்டாய வீட்டுத் தனிமைப்படுத்தலில் இருக்க வேண்டும் என இந்திய மத்திய அரசு அறிவித்துள்ளது.

எட்டாவது நாளில் கொரோனா பரிசோதனை செய்து கொண்டு கிடைக்கும் முடிவைப் பொறுத்தே அவா்கள் வெளியேறுவது குறித்துத் தீர்மானிக்கப்படும் எனவும் அறிவிக்கப்பட்டுள்ளது.

எதிர்வரும் 11 ஆம் திகதி செவ்வாய்க்கிழமை முதல் இந்த நடைமுறை அமுலுக்கு வரவுள்ளது.

ஒமிக்ரோன் பரவலுக்கு மத்தியில் இந்தியாவில் தினசரி தொற்று நோயாளர் தொகை கடுமையாக அதிகரித்து வருகிறது. இன்று காலை 9 மணி வரையான கடந்த 24 மணி நேரங்களில் புதிதாக 1 இலட்சத்து 41 ஆயிரத்து 986 பேருக்கு கொரோனா தொற்று உறுதி செய்யப்பட்டுள்ளது.

அத்துடன்,நேற்று மேலும் 285 பேர் கொரோனாவால் பலியானதாக இந்திய மத்திய சுகாதார துறை இன்று விடுத்துள்ள நாளாந்த தொற்று நோய் நிலவர அறிக்கையில் தெரிவிக்கப்பட்டுள்ளது.

தினசரி தொற்று பாதிப்பு 9.28 வீதமாக அதிகரித்துள்ளதாகவும் அதில் கூறப்பட்டுள்ளது.

இதையடுத்து, கொரோனா தடுப்பு நடவடிக்கைகளில் மத்திய அரசு தீவிரமாக ஈடுபட்டுள்ளது. பல்வேறு மாநிலங்கள் ஊரடங்கு கட்டுப்பாடுகளை அதிகரித்து வருகின்றன.

இந்நிலையில், விமான போக்குவரத்து தொடர்பான புதிய விதிமுறைகளை மத்திய அரசு அறிவித்துள்ளது. அதன்படி, வெளிநாடுகளில் இருந்து இந்தியாவுக்கு வரும் பயணிகள், 7 நாட்கள் வீட்டுத் தனிமையில் இருக்க வேண்டும். எட்டாவது நாளில் பி.சி.ஆர். பரிசோதனை செய்துகொள்ள வேண்டும் என்று மத்திய சுகாதார அமைச்சு புதிய வழிகாட்டுதல்களை வெளியிட்டுள்ளது.

ஜனவரி 11-ஆம் திகதி முதல் இது நடைமுறைக்கு வரும் என்றும் மறு அறிவித்தல் வரும் வரையில் இந்த கட்டுப்பாடு தொடரும் என்றும் அறிவிக்கப்பட்டுள்ளது.


Category: உலகம், புதிது
Tags: கொரோனா (COVID-19), இந்தியா



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE