Thursday 20th of January 2022 07:27:28 AM GMT

LANGUAGE - TAMIL
-
ஒமிக்ரோனுக்கு எதிரான விசேட தடுப்பூசி மார்ச்சில் தயாராகிவிடும் என்கிறது பைசர்!

ஒமிக்ரோனுக்கு எதிரான விசேட தடுப்பூசி மார்ச்சில் தயாராகிவிடும் என்கிறது பைசர்!


ஒமிக்ரோன் வைரஸுக்கு எதிரான தடுப்பூசி மார்ச் மாதம் தயாராகி விடும் என பிரபல கொவிட் தடுப்பூசி நிறுவனமான பைசர் தலைமை செயல் அதிகாரி அல்பேர்ட் பவுர்லா தெரிவித்தார்.

பல்வேறு நாடுகளின் அரசாங்கங்களின் தீவிர ஆர்வம் காரணமாக ஒமிக்ரோனுக்கு எதிராக செயலாற்றக்கூடிய தடுப்பூசியை தயாரிக்கும் பணியை எங்கள் நிறுவனம் தொடங்கி விட்டது. இது தற்போது உள்ள பிற உருமாறிய வைரஸ்களுக்கு எதிராகவும் செயற்படும் எனவும் நேற்று இடம்பெற்ற ஊடகவியலாளர் மாநாட்டில் அவா் குறிப்பிட்டார்.

தற்போது கொரோனாவுக்கு எதிராக பெரும்பாலானோர் குறைந்தது 2 தடுப்பூசிகளை பெற்றுள்ளனர். அத்துடன், அதிகளவானோர் பூஸ்டர் என அழைக்கப்படும் மூன்றாவது தடுப்பூசியைப் போட்டுக் கொண்டுள்ளனர். இவை ஒமிக்ரோனுக்கு எதிராக நியாயமான பாதுகாப்பை வழங்கி உள்ளன.

எனினும் ஒமிக்ரோன் வைரஸுக்கு எதிரான விசேட தடுப்பூசி அதிவேகமாக பரவும் ஒமிக்ரோன் மற்றும் இதுபோன்ற பிற உருமாறிய வைரஸ்களுக்கு எதிராக பாதுகாப்பு அளிக்கும் என பைசர் தலைமை செயல் அதிகாரி அல்பேர்ட் பவுர்லா தெரிவித்தார்.

இதேவேளை, மொடர்னா நிறுவனமும் ஒமிக்ரோன் மற்றும் இனி வரும் உருமாறிய வைரஸ்களுக்கு தீர்வு காணக்கூடிய ஒரு பூஸ்டர் தடுப்பூசியை உருவாக்கி வருவதாக தெரிவித்துள்ளது.

திங்கட்கிழமை செய்தியாளர்களிடம் பேசிய மொடர்னா மருந்து நிறுவனத்தின் தலைமை செயல் அதிகாரி ஸ்டீபன் பான்சல் இதனைத் தெரிவித்தார்.


Category: உலகம், புதிது
Tags: உலகம்



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE