Thursday 20th of January 2022 07:53:23 AM GMT

LANGUAGE - TAMIL
-
தென்னாப்பிரிக்க பிராந்திய நாடுகளுக்கான பயண தடையை நீக்கியது ஐரோப்பிய ஒன்றியம்!

தென்னாப்பிரிக்க பிராந்திய நாடுகளுக்கான பயண தடையை நீக்கியது ஐரோப்பிய ஒன்றியம்!


ஒமிக்ரோன் உருத்திரிபு வைரஸ் பரவலைக் கட்டுப்படுத்தும் நோக்கில் தென் ஆப்பிரிக்கா மற்றும் அதன் அண்டை நாடுகளுக்கு விதிக்கப்பட்டிருந்த பயணத் தடையை ஐரோப்பிய ஒன்றியம் நீக்கியுள்ளது. தென்னாப்பிரிக்கப் பிராந்தியத்தைச் சோ்ந்த நாடுகளிலிருந்து விமானங்கள் வந்து செல்வதற்கு விதிக்கப்பட்டிருந்த அவசரகால தடையை நீக்க ஐரோப்பிய ஒன்றியத்தில் அங்கம் வகிக்கும் 27 உறுப்பு நாடுகளும் ஒப்புக்கொண்டுள்ளதாக நேற்று வெளியிடப்பட்ட அறிக்கையில் கூறப்பட்டுள்ளது. இதையடுத்து, தென்னாப்பிரிக்கா மற்றும் அதன் அண்டை நாடுகளிலிருந்து விமானங்கள் வருவதற்கும் அந்த நாடுகளுக்கு ஐரோப்பிய ஒன்றிய நாடுகளில் இருந்து விமானங்கள் செல்வதற்கும் வழி ஏற்பட்டுள்ளது. தென் ஆப்பிரிக்காவில் கடந்த நவம்பர் மாதம் ஒமிக்ரோன் உருத்திரிபு பரவல் கண்டறியப்பட்டது. இந்த வைரஸ் பரவலைக் கட்டுப்படுத்தும் நோக்குடன் தென்னாப்பிரிக்கா மற்றும் அதன் அண்டை நாடுகளுக்கான பயணத் தடையை ஐரோப்பிய ஒன்றியம் விதித்தது. எனினும் ஐரோப்பிய நாடுகள் முழுவதும் ஒமிக்ரோன் திரிபு இப்போது தீவிரமாகப் பரவி வருகிறது. இந்நிலையில் ஒரு மாதத்துக்கும் மேலாக அமுலில் இருந்த பயணத் தடை தற்போது நீக்கப்பட்டுள்ளது.


Category: உலகம், புதிது
Tags: உலகம்



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE