Thursday 20th of January 2022 09:03:53 AM GMT

LANGUAGE - TAMIL
.
உக்ரைன் விவிகாரம்; அமெரிக்காவைத் தொடர்ந்து நேட்டோ  உறுப்பு நாடுகள் - ரஷ்யா நேற்று பேச்சு!

உக்ரைன் விவிகாரம்; அமெரிக்காவைத் தொடர்ந்து நேட்டோ உறுப்பு நாடுகள் - ரஷ்யா நேற்று பேச்சு!


உக்ரைன் விவகாரத்தில் ஏற்பட்டுள்ள பதற்ற நிலைக்குத் தீா்வு காணும் நோக்கில் ரஷ்யா மற்றும் நேட்டோ உறுப்பு நாடுகளுக்கு இடையிலான பேச்சுவார்த்தை நேற்று புதன்கிழமை நடைபெற்றது.

இந்த விடயம் தொடர்பில் ஏற்கெனவே அமெரிக்க - ரஷ்ய இடையிலான உயர்மட்ட பேச்சுவார்த்தை திங்கட்கிழமை இடம்பெற்ற நிலையில் அடுத்த கட்டமாக ரஷ்யா மற்றும் நேட்டோ உறுப்பு நாடுகள் இடையிலான பேச்சுவாா்த்தை பெல்ஜியம் தலைநகா் பிரஸ்ஸெல்ஸில் நேற்று நடைபெற்றது.

பேச்சுவார்த்தைக்கு முன்னா் செய்தியாளர்களைச் சந்தித்த நேட்டோ பொதுச் செயலா் ஜென்ஸ் ஸ்டால்டன்பா்க் மற்றும் ரஷ்ய வெளியுறவுத் துறை இணையமைச்சா் அலெக்ஸாண்டர் கிரஷ்கோ, பாதுகாப்புத் துறை இணையமைச்சா் அலெக்சாண்டர் ஃபாமின் ஆகியோா் இறுக்கமான முகத்துடன் காணப்பட்டனா்.

பத்திரிகையாளர்கள் முன்னிலையில் அவா்கள் ஒருவருக்கொருவர் கைகுலுக்கி வாழ்த்துக்களை பரிமாறிக் கொள்வதையும் தவிா்த்தனா்.

பிரஸ்ஸெல்ஸிலுள்ள நேட்டோ தலைமையகத்தில் நடைபெற்ற இந்தப் பேச்சுவாா்த்தையில், அமெரிக்கக் குழுவுக்கு அந்த நாட்டு வெளியுறவுத் துறை இணையமைச்சா் தலைமை வகித்தாா்.

முன்னதாக, உக்ரைன் விவகாரம் குறித்து அமெரிக்காவுக்கும் ரஷ்யாவுக்கும் இடையிலான பேச்சுவார்த்தை சுவிட்சர்லாந்தின் ஜெனீவா நகரிலுள்ள அமெரிக்கத் தூதரகத்தில் கடந்த திங்கள்கிழமை நடைபெற்றது.

இதில் அமெரிக்க வெளியுறவுத் துறை இணையமைச்சா் வெண்டி ஷொ்மானும் ரஷ்ய வெளியுறவுத் துறை இணையமைச்சா் சொ்கெய் ரியப்கோவும் பங்கேற்றனா்.

ஜெனீவாவில் கடந்த ஜூன் மாதம் நடைபெற்ற சந்திப்பின்போது இருதரப்பு பாதுகாப்புப் பேச்சுவார்த்தையை பல கட்டங்களாகத் தொடர அமெரிக்க ஜனாதிபதி ஜோ பைடனும் ரஷ்ய ஜனாதிபதி விளாடிமிர் புடினும் ஒப்புக்கொண்டனர்.

அதன் ஒரு பகுதியாக நேட்டோ அமைப்புடன் தற்போது ரஷ்யா பேச்சுவார்த்தை நடத்தியுள்ளது.

இதேவேளை, ஆஸ்திரிய தலைநகர் வியன்னாவில் ஐரோப்பிய நாடுகளுக்கான பாதுகாப்பு ஒத்துழைப்பு அமைப்பின் உறுப்பு நாடுகள் உக்ரைன் விவகாரம் குறித்து இன்று வியாழக்கிழமை கூடி விவாதிக்க உள்ளன.

உக்ரைன் மீது படையெடுத்து அந்த நாட்டை தன்னுடன் இணைத்துக் கொள்ள ரஷ்யா திட்டமிட்டு வருவதாக அமெரிக்காவும் மேற்குலக நாடுகளும் கூறி வருகின்றன. இதனால் அந்தப் பகுதியில் பதற்றம் அதிகரித்து வருகிறது.

அந்தப் பதற்றத்தை தணிக்கும் முயற்சிகளின் ஒரு பகுதியாக, தற்போது பேச்சுவார்த்தைகள் இடம்பெற்று வருகின்றன.


Category: உலகம், புதிது
Tags:



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE