Thursday 20th of January 2022 08:08:49 AM GMT

LANGUAGE - TAMIL
.
2022, 2023-ஆம் ஆண்டுகளில் உலகப் பொருளாதார வளா்ச்சி மந்தமாகவே இருக்கும் - ஐ.நா. கூறுகிறது!

2022, 2023-ஆம் ஆண்டுகளில் உலகப் பொருளாதார வளா்ச்சி மந்தமாகவே இருக்கும் - ஐ.நா. கூறுகிறது!


2022 மற்றும் 2023-ஆம் ஆண்டுகளில் உலக பொருளாதார வளர்ச்சி மந்தமாகவே இருக்கும் என ஐக்கிய நாடுகள் சபை தெரிவித்துள்ளது.

கொரோனா தொற்று நோய், தொடர்ச்சியான தொழிலாளர் சந்தை சவால்கள், நீடித்து வரும் விநியோக சங்கிலி சிக்கல்கள், பணவீக்கம் அதிகரிப்பு உள்ளிட்ட பாதிப்புகளால் புதிய ஆண்டிலும் இந்தச் சிக்கல் தெரியும் எனக் கூறப்பட்டுள்ளது.

உலக பொருளாதார நிலை மற்றும் 2022-ஆம் ஆண்டுக்கான வளர்ச்சி வாய்ப்புகள் குறித்து நேற்று வெள்ளிக்கிழமை ஐ.நா. வெள்ளிக்கிழமை வெளியிட்ட அறிக்கையிலேயே இவ்வாறு குறிப்பிடப்பட்டுள்ளது.

கடந்த 2021-ஆம் ஆண்டு தொடக்கத்தில் உலக பொருளாதாரம் கடந்த 40 ஆண்டுகளில் இல்லாத அளவில் 5.5 சதவீத அளவுக்கு வளர்ச்சி பெற்றது. ஆனால், அந்த ஆண்டின் இறுதியில் கொரோனா பாதிப்பால் ஏற்பட்ட தாக்கம் காரணமாக உலக பொருளாதார வளர்ச்சி வீதம் சரியத் தொடங்கியது.

சீனா, ஐரோப்பிய ஒன்றியம், அமெரிக்கா போன்ற மிகப் பெரிய பொருளாதார வல்லரசுகளும் கடும் சரிவை சந்தித்தன. தொடர்ந்து, 2022 மற்றும் 2023-ஆம் ஆண்டுகளில் உலக பொருளாதார வளர்ச்சி குறைவாகவே இருக்கும். 2022-இல் உலக பொருளாதார வளா்ச்சி விகிதம் 4 சதவீத அளவிலும், 2023-இல் 3.5 சதவீத அளவிலும் இருக்கும் என கணிக்கப்பட்டுள்ளது.

பெரும்பாலான வளரும் நாடுகளின் பொருளாதார வளர்ச்சி பொதுவாக பலவீனமாக இருக்கும். குறிப்பாக, சுற்றுலா துறையை சார்ந்துள்ள நாடுகளில் பொருளாதார வளர்ச்சி மிக மந்தமாகவே இருக்கும் என்று அந்த அறிக்கையில் தெரிவிக்கப்பட்டுள்ளது.

அனைவருக்கும் தடுப்பூசி என்பது உள்ளிட்ட கொரோனா பரவலைக் கட்டுப்படுத்தும் நடவடிக்கைக்கு ஒருங்கிணைந்த, நீடித்த சர்வதேச முயற்சி எடுக்கப்படவில்லை என்றால் உலக பொருளாதாரம் மீண்டும் எழுச்சி பெறுவதில் மிகப்பெரிய அச்சுறுத்தல் தொடரும் என ஐ.நா.வின் பொருளதாரம் மற்றும் சமூக நலன்களுக்கு பொறுப்பான துணைப் பொதுச் செயலாளர் லியு ஜென்மின் தெரிவித்துள்ளார்.


Category: உலகம், புதிது
Tags:



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE