Thursday 20th of January 2022 08:55:47 AM GMT

LANGUAGE - TAMIL
-
எங்களது அனுமதியில்லாமல் எங்களது முடியை கூட யாராலும் அகற்ற முடியாது; எஸ்.வியாழேந்திரன்!

எங்களது அனுமதியில்லாமல் எங்களது முடியை கூட யாராலும் அகற்ற முடியாது; எஸ்.வியாழேந்திரன்!


எங்களது அனுமதியில்லாமல் எங்களது முடியை கூட யாராலும் அகற்றதுமுடியாது என இராஜாங்க அமைச்சர் எஸ்.வியாழேந்திரன் தெரிவித்தார்.

கடந்த ஆட்சிக்காலத்தில் பிரதேச வேறுபாடுகள் பார்க்கப்பட்டு வேலைத்திட்டங்கள் முன்னெடுக்கப்பட்டதாகவும் ஆனால் இன்றைய ஆட்சியில் அனைத்து பகுதிகளும் சமமாக பார்க்கப்படுவதாகவும் அவர் தெரிவித்தார்.

மட்டக்களப்பு புதிய கோட்டைமுனை விளையாட்டுக்கழகம் தைப்பொங்கலை முன்னிட்டு நடாத்தும் சினேகபூர்வ கிரிக்கட் சுற்றுபோட்டி இன்று மட்டக்களப்பு இந்துக்கல்லூரி மைதானத்தில் ஆரம்பமானது.

புதிய கோட்டைமுனை விளையாட்டுக்கழகத்தின் தலைவர் பிரகாஸ் தலைமையில் ஆரம்பமான ஆரம்ப நிகழ்வில் இராஜாங்க அமைச்சர் எஸ்.வியாழேந்திரன் பிரதம அதிதியாக கலந்துகொண்டார்.

சிறப்பு அதிதிகளாக மாவட்ட விளையாட்டு உத்தியோகத்தர் எஸ்.ஈஸ்பரன் உட்பட பலர் கலந்துகொண்டனர். கோட்டைமுனை விளையாட்டுக்கழகத்தின் வீரர்கள் எட்டு கழகங்களாக பிரிந்து இந்த சுற்றுப்போட்டியில் விளையாடுகின்றமை குறிப்பிடத்தக்கது.

இந்த நிகழ்வில் கருத்து தெரிவித்த இராஜாங்க அமைச்சர்,

கடந்த காலத்தில் ஏற்றத்தாழ்வுகளும் பாரபட்சங்களுமே வேலைத்திட்டங்கள் முன்னெடுப்பதில் காட்டப்பட்டு வந்தது. ஆனால் தற்போதைய அரசாங்கம் சகல துறை சார்ந்தும் சமனான வேலைப்பாட்டினை முன்னெடுத்துவருகின்றது.

இலங்கையில் உள்ள அனைத்து கிராம சேவையாளர் பிரிவுகளிலும் கிராமிய அபிவிருத்தியை நோக்காக கொண்டு சகல கிராம சேவையாளர் பிரிவுகளுக்கும் சமனாக நிதியொதுக்கீடுகள் செய்யப்பட்டுள்ளன.

இங்கு விளையாட்டு வீரர்கள் எதிர்கொள்ளும் பிரச்சினைகளை முடிந்தளவுக்கு நாங்கள் விளையாட்டுத்துறை அமைச்சின் கவனத்திற்கு கொண்டுசென்றுள்ளோம்.அதில் அதிகளவான முன்மொழிவுகள் நிறைவேற்றப்பட்டுள்ளன.

நான் 2015ஆம் ஆண்டு தேர்தலில்போட்டியிட்டபோது என்னை வெற்றிபெறமாட்டேன் என மிகவும் குறைவாக பேசினார்கள்.ஆனால் மாவட்டத்தில் இரண்டாவது அதிகூடிய விருப்பு வாக்குடன் வெற்றிபெற்றேன்.அதன் பின்னர் அரசாங்கத்துடன் இணைந்து தேர்தலில்போட்டியிட்டபோது வரலாற்றிலேயே வெற்றிபெறமுடியாது என கூறினார்கள்.அந்த சரித்திரத்தையே உடைத்து எறிந்தோம் நாங்கள்.

என்னை காணாமல்போய்விடுவார்கள் என்று கூறினார்கள்.ஆனால் அவ்வாறு கூறியவர்களே இன்று காணாமல்போயிவிட்டார்கள்.நாங்கள் விரும்பாமல் அரசியலிலிருந்து யாரும் எங்கள் ஒரு முடியை கூட நகர்த்தமுடியாது.தீர்மானிக்ககூடிய, பலமானவர்களாக எங்களை நாங்கள் கட்டமைத்துவருகின்றோம்.


Category: உள்ளூர, புதிது
Tags: இலங்கை, கிழக்கு மாகாணம், மட்டக்களப்பு



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE