டாக்காவில் நடைபெற்ற 3வது ரி-20 கிரிக்கெட் போட்டியிலும் வெற்றி பெற்றுள்ள பாகிஸ்தான் அணி தொடரை முழுமையாக கைப்பற்றியுள்ளது.
பங்களாதேசுக்கு கிரிக்கெட் சுற்றுப்பயணம் சென்றுள்ள பாகிஸ்தான் அணி பங்களாதேஷ் அணியுடன் 3 போட்டிகள் கொண்ட ரி-20 தொடரில் விளையாடியது.
முன்னதாக நடைபெற்ற இரு போட்டிகளிலும் வெற்றி பெற்று தொடரை கைப்பற்றியிருந்த நிலையில் டாக்காவில் நேற்று நடைபெற்ற 3வதும் இறுதியுமான ரி-20 போட்டியிலும் பாகிஸ்தான் அணி 5 விக்கெட் வித்தியாசத்தில் வெற்றி பெற்றுள்ளது.
நாணயச்சுழற்சியில் வெற்றி பெற்ற பங்களாதேஷ் அணி முதலில துடுப்பெடுத்தாடியது.
நிர்ணயிக்கப்பட்ட 20 ஓவர்கள் நிறைவில் 7 விக்கெட் இழப்பிற்கு 124 ஓட்டங்களை பெற்றிருந்தது பங்களாதேஷ் அணி.
அதிகபட்சமாக மொஹமட் நைய்ம் 47 ஓட்டங்களை பெற்று ஆட்டமிழந்திருந்தார்.
பந்துவீச்சில் மொஹமட் வசீம், உஸ்மான் ஆகியோர் தலா 2 விக்கெட்டுக்களை வீழ்த்தியிருந்தனர்.
125 ஓட்டங்களை எடுத்தால் வெற்றி என்ற நிலையில் துடுப்பெடுத்தாடிய பாகிஸ்தான் அணி போட்டியின் கடைசி பந்துவரை போராடி வெற்றி பெற்றது.
கைதர் அலி -45, மொஹமட் ரிஸ்வான் -40 ஓட்டங்களை அதிகபட்சமாக பெற்றிருந்தனர்.
20ஓவரில் 5 விக்கெட்களை இழந்து 127 ஓட்டங்களை பெற்று 5 விக்கெட் வித்தியாசத்தில் வெற்றி பெற்றது.
பந்து வீச்சில் மஹமதுல்லா 3 விக்கெட்களை வீழ்த்தியிருந்தார்.
இந்த வெற்றியின் மூலம் 3 போட்டிகள் கொண்ட தொடரை 3:0 என்ற கணக்கில் பாகிஸ்தான் அணி கைப்பற்றியது.
போட்டியின் ஆட்ட நாயகன், தொடர் நாயகனாக பாகிஸ்தான் அணியின் கைதர் அலியும், மொஹமட் ரிஸ்வானும் தெரிவு செய்யப்பட்டிருந்தமை குறிப்பிடத்தக்கது.
Category: விளையாட்டு, புதிது
Tags:
%20copy.jpg)
