தமிழ்நாட்டில் ஒரே நாளில் கொரோனாவுக்கு 109 பேர் உயிரிழந்துள்ளமை இதுவரையான அதிகூடிய நாளாந்த உயிரிழப்பாக பதிவாகியுள்ளது.
தமிழ்நாடு சுகாதார அமைச்சு இன்று பி.பகல் (ஓகஸ்ட்-03) வெளியிட்டுள்ள நாளாந்த அறிக்கையின் அடிப்படையில் தமிழ்நாட்டில் புதிதாக 5 ஆயிரத்து 609 தொற்றாளர்கள் இனம் காணப்பட்டள்ளனர்.
இதையடுத்து மொதத்த தொற்றாளர்களது எண்ணிக்கை 2 இலட்சத்து 63 ஆயிரத்து 222 ஆக உயர்வடைந்துள்ளது.
4 ஆயிரத்தை கடந்த உயிரிழப்பு!
இதேவேளை இன்று 109 பேர் உயிரிழந்துள்ள நிலையில் மொத்த உயிரிழப்பு 4 ஆயிரத்து 241 ஆக அதிகரித்துள்ளது. இதுவரையான உயிரிழப்புகளில் அதிகூடிய உயிரிழப்பு பதிவான நாளாக இன்றைய நாள் அமைந்துள்ளது.
சென்னையில் ஒரு இலட்சத்தை கடந்த தொற்று!
சென்னையில் இன்று ஆயிரத்து 21 புதிய தொற்றாளர்கள் கண்டறியப்பட்டதை அடுத்து மொத்த தொற்று ஒரு இலட்சத்து 2 ஆயிரத்து 985 ஆக உயர்ந்துள்ளது.
இந்நிலையில் இதுவரை 2 இலட்சத்து 2 ஆயிரத்து 283 பேர் சிகிச்சையின் பின்னர் குணமடைந்து திரும்பியதை அடுத்து தற்போது 56 ஆயிரத்து 698 பேர் சிகிச்சை பெற்று வருகின்றமை குறிப்பிடத்தக்கது.
Category: செய்திகள், புதிது
Tags: கொரோனா (COVID-19), இந்தியா, தமிழ்நாடு, சென்னை
%20copy.jpg)
