Thursday 20th of January 2022 07:39:17 AM GMT

LANGUAGE - TAMIL
.
கஜகஸ்தானின் ரஷ்ய துருப்புக்களின் களமிறக்கம் ஏன்? அமெரிக்கா கேள்வி!

கஜகஸ்தானின் ரஷ்ய துருப்புக்களின் களமிறக்கம் ஏன்? அமெரிக்கா கேள்வி!


கஜகஸ்தானின் இடம்பெற்றுவரும் அரசுக்கு எதிரான போராட்டங்களை சமாளிக்கவென ரஷ்ய இராணுவம் அழைக்கப்பட்டுள்ளது குறித்து அமெரிக்கா கேள்வி எழுப்பியுள்ளது.

கஜகஸ்தான் நெருக்கடிகளுக்கு ரஷ்யா உதவி இல்லாமலேயே அந்நாட்டு அரசால் தீர்வு காண முடியும் என நம்புவதாக அமெரிக்க வெளியுறவு அமைச்சர் அண்டனி பிளிங்கன் தெரிவித்துள்ளார்.

கஜகஸ்தானில் எரிபொருள் விலை அதிகரிப்புக்கு எதிராக ஆரம்பித்த பெரும் மக்கள் மக்கள் போராட்டம் அரசுக்கு எதிரான போராட்டமாக தொடர்ந்து வலுவடைந்து வருகிறது.

அரசின் முடிவை எதிர்த்து நாடு முழுவதும் மக்கள் திரண்டதால் வேறு வழியின்றி பிரதமர் அஸ்கர் மாமின் தலைமையிலான அரசு ராஜினாமா செய்துள்ளது.

இந்த ராஜினாமாவை கஜகஸ்தான் ஜனாதிபதி காசிம் ஜோமார்ட் டோக்காயேவ் ஏற்றுக் கொண்டார்.

இதையடுத்து அந்த நாட்டில் அவசர நிலை பிரகடனப்படுத்தப்பட்டது. மக்கள் நடமாட தடை விதிக்கப்பட்டுள்ளது. மேலும் எரிவாயு விலையை கட்டுப்படுத்துமாறு மாகாண ஆளுநர்களுக்கு ஜனாதிபதி உத்தரவிட்டுள்ளமையும் குறிப்பிடத்தக்கது.

இதற்கிடையே போராட்டக்காரர்களை முன்னெச்சரிக்கையின்றி கண்டவுடன் சுட கஜகஸ்தான் ஜனாதிபதி காசிம் ஜோமார்ட் டோக்காயேவ் உத்தரவிட்டுள்ளார்.

இதனையடுத்து போராட்டக்காரர்கள் மீது பாதுகாப்பு படையினர் கண்மூடித்தனமான துப்பாக்கிச்சூடு நடத்தி வருகின்றனர்.

கஜகஸ்தானில் போராட்டங்களைக் கட்டுப்படுத்த உதவுமாறு ஜனாதிபதி காசிம் ஜோமார்ட் டோக்காயேவ் விடுத்த அழைப்பை ஏற்று ரஷியாவில் இருந்து அமைதிப் படை களமிறக்கப்பட்டுள்ளது.

இவ்வாறான நிலையிலே கஜகஸ்தானில் ரஷ்ய இராணுவம் களமிறக்கப்பட்டுள்ளமை ஏன்?என்பது தெளிவாக தெரியவில்லை என வொஷிங்டனில் நேற்று செய்தியாளர்களிடம் பேசிய அமெரிக்க வெளியுறவு அமைச்சர் அண்டனி பிளிங்கன் கூறினார்.

அமைதிப் படை என்ற போர்வையில் சுமார் 2,500 ரஷ்ய தலைமையிலான துருப்புக்கள் முதல் கட்டமாக கஜகஸ்தானில் தரையிறங்கியுள்ளன.

அமைதியை ஏற்படுத்தும் தற்காலிக ஏற்பாடாகவே ரஷ்யப் படைகள் கஜகஸ்தான் அனுப்பப்பட்டுள்ளதாக மொஸ்கோ அதிகாரிகள் தெரிவித்துள்ளனர்.

எனினும் ரஷ்யர்களை உங்கள் நாட்டுக்கு அழைத்தால் மீண்டும் அவர்களை வெளியேற்றுவது கடினம் என்பதே சமீபத்திய கால வரலாற்றுப் பாடமாக உள்ளது என அண்டனி பிளிங்கன் குறிப்பிட்டார்.

எதிர்ப்புப் போராட்டக்காரர்களின் உரிமைகளை கஜகஸ்தான் மதிக்க வேண்டும். போராட்டக்காரர்களை கட்டுப்படுத்தும் திறனை கஜகஸ்தான் படைகள் கொண்டிருப்பதாகவே தோன்றுகிறது.

இந்நிலையில் ரஷ்யப் படைகளை களமிறக்கி உள்ளமைக்கான காரணம் தெளிவாகத் தெரியவில்லை. இது குறித்து நாங்கள் ஆராய்ந்து வருகிறோம் எனவும் அமெரிக்க வெளியுறவு அமைச்சர் அண்டனி பிளிங்கன் கூறினார்.


Category: உலகம், புதிது
Tags: அமெரிக்கா



பிந்திய செய்திகள்

BABY NAMES

Lorem Ipsum is simply dummy text of the printing and typesetting industry.

READ MORE