இலங்கையில் 30 ஆயிரத்தைத் தாண்டியது கொரோனாத் தொற்றாளர்கள் எண்ணிக்கை - உயிரிழப்பு 144 ஆக அதிகரிப்பு!

Posted: 2020-12-09 13:05:50 EST

இலங்கையில் இன்றும் 694 பேருக்குக் கொரோனா வைரஸ் தொற்று உறுதிப்படுத்தப்பட்டுள்ளது என அரச தகவல் திணைக்களம் அறிவித்துள்ளது.

இதேவேளை, கொரோனாத் தொற்றால் மேலும் இருவர் உயிரிழந்துள்ளனர் எனவும் தெரிவிக்கப்பட்டுள்ளது.

இதன்படி கொரோனாவின் மூன்றாவது அலை மூலம் (மினுவாங்கொடை, பேலியகொட, சிறைச்சாலை கொத்தணிகள்) இதுவரையில் 26 ஆயிரத்து 516 பேருக்கு வைரஸ் தொற்றியுள்ளது. அத்துடன் மூன்றாவது அலை மூலம் இதுவரையில் 131 பேர் உயிரிழந்துள்ளனர்.

இலங்கையில் மொத்தத் தொற்றாளர்களின் எண்ணிக்கை 30 ஆயிரத்து 72 ஆக அதிகரித்துள்ளது.

இவர்களில் 21 ஆயிரத்து 800 பேர் குணமடைந்துள்ளனர். 8 ஆயிரத்து 128 பேர் வைத்தியசாலைகளில் சிகிச்சை பெற்று வருகின்றனர். அத்துடன் 144 பேர் உயிரிழந்துள்ளனர்.

Category: செய்திகள், புதிது
Tags: கொரோனா (COVID-19), இலங்கை